普通市民環遊世界 4

出發啦! 開展193日環遊世界之旅                       作者:聰LA! 衝啦!

香港-溫哥華-洛杉磯-多倫多-紐約-邁阿密-秘魯(尼馬)-智利(聖地牙哥)-阿根廷(布宜諾斯艾利斯)-巴西(聖保羅)-馬德里-法蘭克福-倫敦-奧斯陸-赫爾辛基-香港

     

第一站 – 加拿大 （溫哥華）

去溫哥華直航大概需要11~12嗰鐘，仲要適應最攞命嘅時差問題。所以我地決定出發前一晚儘量唔瞓，留待喺飛機上瞓個飽，減輕時差嘅影響。當然我地喺加拿大頭一星期嘅行程亦會相對地輕鬆，避免魂魄唔齊嘅感覺。 經過12個鐘嘅機程終於到達，好彩太太在當地嘅朋友照顧，一出機場就接我地去周圍逛、食下嘢、介紹溫哥華等等。所以話出外靠朋友係好重要。不過今日正如我所料，jetlag到爆! 下午開始成個喪屍咁，所以都係返bnb休息。

**bnb 我諗依家有好多人都開始去旅行時搵民宿取代酒店，一來價錢相宜，二來可以同當地人有更深入交流既機會，這正正係我地揀bnb既原因。

      

第二日我地無特別行程，只係喺溫哥華週圍行下，開始時真係有啲唔習慣，出街食飯、物價及交通費普遍比香港貴。本來預算每日用HKD$1,000 (包住，食同雜費)睇黎都無乜可能「唔爆budget」，所以儘量都會去當地人嘅超市買食材、飲品，減輕使費。 之後，有另一位移居當地嘅朋友介紹了溫哥華嘅新唐人區Richmond，呢一區原本以香港移民居多，隨著國內同胞增多，呢度唔同哂……. 去到真係見識到強國富民嘅富，好似返咗強國咁好大部分人都係講普通話，揸嘅車架架都貴到9彩，但車品就「哈哈」，真係唔炒到你算你好運嗰隻。曾經有人話過「人到發財品自立」，但我見唔到囉。完

溫哥華地方大而且並非每個景點都有公共交通工具到達，於是我地租咗架車仔代步2日用咗HKD$480，其中保險費好貴大約佔租車費嘅一半，所以租長啲時間係比較著數。有車我地就可以去多啲唔同既地方，特別係公園，溫哥華有好多大型公園，緩步徑同單車徑，啱哂當地人鍾意戶外活動 – 跑步，踩單車，放狗。

其實溫哥華都有好多特別地方可以去，下篇再介紹。