普通市民環遊世界 3

普通市民環遊世界 3 – 預算、計劃、實行                    作者:聰LA! 衝啦!

2015年年頭一個晚上，其時太太陪伴我在斯里蘭卡生活已接近半年。她毅然放棄在香港工作及生活陪我到另一國家生活，在生活文化完全不同，幾乎沒有中國食材及只有雞肉可買的情況下，從一個不懂如何煮飯餸嘅太太慢慢轉變成煮得一手好菜。我諗這是好不容易的過程，亦非常感激她。

回想，與她結了婚多年，大家都只顧工作都無正式去過遠行，有的都只是去數日台灣、泰國。適逢種種原因，所以決定跟佢商量在今次的工作完成後，就休息半年一齊去環遊世界，但唯一要求就係我只出錢，去邊度就由佢話事。

當然喇，我同太太都唔係18、22叫我地做backpackers 瞓車站係完全無可能，而我地同好多香港人一樣都係無父幹，所以唔會係豪華遊，於是要從有限既預算作出最適合我地的計劃。我同太太商量下為咗節省成本，選擇了住hostel、bnb或couch surfing。機票我地就直接安排一張《環球旅行》的機票，票價比起分開安排平得多。

行李主要實用為主避免帶不必要既物品，因為我地既行程會去上山下海，高山低谷、冰川森林、負10幾度至30幾度都應有盡有。所以預備的用品以多功能為主，例如擋風雨外套連可拆式羽絨、帽連頸擋、太陽眼鏡、行山可拆式長褲、薄風褸、電筒。其他基本旅行裝備如藥物，叉電線，防蚊防曬乳等當然要配備。

今次旅行我地希望唔係走馬看花，而係可以與不同的人交流互動，了解大家的文化。我地亦都希望令多啲人認識香港，所以我地帶咗一本關於香港食物的書，介紹香港最有特色的車仔檔，作為介紹香港既第一步。