普通市民環遊世界 2

普通市民環遊世界 2  – 人生態度、感染                    作者:聰LA! 衝啦!

2014年6月開始人生第一次外地工作，對於文化、生活習性、語言、工作態度、做事效率等等跟從香港出世、讀書及工作30多年嘅我有很大嘅衝擊，大家都知大部分香港人嘅做事方式喺一就一、二就二，做好件事為止，並唔會拖泥帶水。 但當我剛剛到這裡工作時感覺完全唔同，當地人做事都好enjoy life。從認識當地文化、學會理解、適應（但不認同）、交流文化，頭3個月真喺人都癲，每晚回宿舍總要沈澱一下自己，想想點樣可以每日改善一點點來迎合文化衝擊。

            

既然來到，身為土生土長嘅香港人無可能咁易認輸，講真其實無論工作上有乜嘢事都好時間都喺咁過，在大家互相理解工作方針同處事方法後，漸漸發覺他們都比初初相識既時候勤快咗好多，就係咁唔經唔覺就咁完成咗單項目。

事實上工作地方偏遠，放工後同假期都無地方消遣，基本上宿舍網速好似香港90年代咁行緊56k，同一星期總有1或2日停水或停電。在日日都30幾度的地方居住，一有停電「焗」住出街周圍蕩，而我就最鍾意攞部相機周圍行映下相，見乜就映乜。久而久之見到佢地嘅生活習性同樂在當下嘅感覺，有時反思我地尼種城市人在物質豐盛的時代生活，會使人沈醉於中，忙卻了甚麼是生活的真本性。好似我以前細個時住公共屋邨嘅時候咁，屋企無錢而爸媽都返全日工，無乜物質生活，放學後就會同鄰居小朋友就跑出自己住嗰層大堂一齊玩「捉依因」、「狐狸先生」、「埋舟」等等。整幢公屋的年紀相近嘅小朋友都好friend。

 

喺尼年幾間嘅工作時間裡面就會見識當地大部分人都知曉乜野叫知足常樂。當然我地可以講佢地有可能從未好似香港人咁受過物質生活嘅洗禮無得比較，但有時會留意佢地嘅生活方式其實既簡單又充實，令人懷念公屋年代嘅自己。

而我諗因為上面情況及之前聽過電台嘅節目，令我有所衝動想見識世界。